ანადოლუს კლინიკა

საქართველოში უკვე ყველაფერი გამოვიკვლიე, ანადოლუს კლინიკაშიც მჭირდება კვლევების ჩატარება?

ხშირ შემთხვევაში პაციენტს ჩატარებული აქვს ბევრი ლაბორატორიული თუ ინსტრუმენტული კვლევა და არ სურს იმავე პროცესების თავიდან გავლა თურქეთში.

ამის მიზეზი არის როგორც დამატებითი ფინანსური ხარჯები, ასევე ის დისკომფორტი რაც ზოგიერთ სადიაგნოსტიკო კვლევას თან ახლავს. არის შემთხვევები, როდესაც თურქი მკურნალი ექიმი შეისწავლის პაციენტის ჩამოტანილ დასკვნებს და რომელიმე კონკრეტულ კვლევას დამაკმაყოფილებლად თვლის, თუმცა პაციენტს მაინც უწევს კვლევების ძირითადი ნაწილის ხელახალი ჩატარება. მიზეზი, თუ რატომ არჩია ექიმმა ჩვენს კლინიკაში ხელახლა ჩატარებულიყო გამოკვლევა, მრავალგვარია: ხშირად, მიუხედავად თანამედროვე აპარატურის არსებობისა, კვლევის პასუხი ვერ მიიჩნევა სანდოდ გამოსახულების ცუდად გაშიფვრის ან იზოტოპების გამოყენების წესების დარღვევის გამო. გარდა ამისა, ყველა სადიაგნოსტიკო თუ ლაბორატორიულ კვლევას თავისი აღების/ჩატარების მკაცრად განსაზღვრული წესი აქვს, როდესაც პაციენტი ამ წესების შესახებ ინფორმირებული არაა, რა თქმა უნდა, ის წესებს ვერ იცავს და კვლევა სწორ შედეგს ვერ დადებს.

საბოლოოდ, პაციენტი გაურკვევლობაშია, რატომ არ დგება სასურველი შედეგი ამდენი კვლევების, კონსულტაციების და მკურანლობის შემდგომ. პასუხი მარტივია, ხშირად საქმე გვაქვს არაზუსტ დიაგნოზთან ან/და არასათანადო მკურნალობის მიდგომებთან.

ყოველივე აქედან გამომდინარე, სასურველია პაციენტი მიყვეს ანადოლუს კლინიკის პროფესორის რეკომენდაციებს და დროულად ჩაიტაროს ის პირველადი სადიაგნოსტიკო კვლევები, რაც მიიყვანს ზუსტ დიაგნოზამდე და ინდივიდუალურ შედეგზე-ორიენტირებულ მკურნალობის გეგმამდე.